| ][][ العــــآمـة ][][ هذا القسم يناقش جميع مجالات الحياة العامة ومشاكلها والإجتماعيات والحياة الجامعية .. والتطلع نحو مستقبل زاهر |
 |
|
|
أدوات الموضوع | طرق مشاهدة الموضوع |
|
#1
29-09-2009, 08:06 AM
|
|||||||||
|
|||||||||
مستقبل منتدى هواصر .. خطة السنة القادمة.. رسالة إلى كل هصور
السلام عليكم و رحمة الله و بركاته ..... يا هلا بالهواصر .... طبعا يا حبايب .. الموضوع الآتي دا في غاية الحساسية و الأهمية ,,,  لأنو هيرسم لينا مخطط سير منتدانا الحبيب في الفترة الجاية .... الاسبوع القادم بإذن الله تبدا فيهو سنتنا الجديدة .... و المؤشرات حاليا كلها تلمح إلى عودة البيت الهصوري إلى السبات العميييييق ......   بالمناسبة ... حابي أقول انو دي فكرة غلط شكلا و مضمونا ,,,,  يا ناس .. إيه التضارب بين القراية و المشاركة في موقع هو بمثابة البيت بالنسبة لك ؟ هذه المساحة التي تمثل ملتقى مشاعرك و أفكارك و مركز بث أحاسيسك إلى عائلتك ؟ في الحقيقة الحصل كالآتي ... - لازم نكون صريحين عشان نصل لي حل - و اعذروني و سامحوني ,,,, نحن شعب نحب الانبهار .. نعشق الموضة ,, نتفانى في ( التجدع ) .. نقدس ( القشرات ) .. مظهريون بالدرجة الأولى .... لا ؟  صراحة ممكن بس ما للدرجة دي ,,,  لكن للأسف جميعنا بدأ يتأثر بهذه العاصفة من حوله دون أن يشعر ....  في أواخر شهر يوليو من العام الماضي .. افتتح المنتدى .. متذكرين كيف كان شغل الناس الشاغل ؟ أكيد .. و من ينسى تلك الفترة الخرافية !!!!!  فجأة .. لم تكد تمضي 3 أشهر !!!! المنتدى بيت أشباح !!!!  بعض الاعضاء أخذوا على أنفسهم عدم قطع الصلة مهما أصبح المنتدى في نظر الآخرين كئيبا .. واصلوا طوال العام الماضي المشاركة و الوجود لا أنسى أولئك الذين بثوا فينا روح الأمل .. يتابعون معك ما تكتب بعناية .. يعلقون ,, يضيفون ,, يحفزون ,, يحمسون و يتحمسون ....  لكن على المقابل معظم الأعضاء .. مثلوا للأسف معظم مجتمعنا ,, خلاص ,, الموضة ماتت .. ( الحنك ) ده بقى بيش .. أرح نشوف ( حنك ) تاني .....  و هكذا .. نص الاعضاء او اكتر قالوا لينا مع السلامة ,, و انصرفوا غير مأسوف عليهم ,, لأن الموضوع كان مجرد تزجية زمن و انتهينا !!!!!  تاني شهر يوليو السنة دي لما الديزاين اتغير ,, المنتدى اتملى بكثافة مجددا .. خخخخخخ ... أها .. ايه رايكم ؟ ما قلتا ليكم بنحب الموضة ؟ و مخلوعين بكل جديد حتى لو لم يكن قيما و على تلك الأهمية ؟!  أسف على الكلام الواضح .. لكن دي رسالة إلى كل من يقرأ هذا الموضوع من أبناء المنتدى الأن .. لأنك لا تطالع هذه الكلمات إلا و أنت من تلك الثلة المميزة التي تحمل في وجدانها حب ( منتدى هواصر ) و تسعى لكي يظل بيتا عامرا يلتقي فيه كل متيم بهذه الدفعة الرائعة .. ليك و ليكي انتو بقول : إياكم و التأثر بالاعداد .. و التخاذل بانسحاب المنسحبين .. لهذا البيت قيمة خاصة في قلوب محبيه ... صراحة أنا ما عرفتا حلاوة المنتدى إلا لمن عرفتا ( أعضاؤو الحقيقيين ) .. في ناس جد واصلت .. صبرت .. مش ما عندها شغلة و لا هي الدافعين ليها شيكات بس بتحب هواصر .. و بتغير على منتداها .. الآن العدد قليل ,, قليل جدا عما كان عليه في شهر يوليو من الموسم الماضي .. لكن ( قيمة ) هؤلاء القلائل تجعل الواحد منهم ب30 و ربما 50 عضو من أولئك القدامى ,,,  دي هي الخلاصة .. الصفوة ,, شوفو حتى بقينا عارفين لمن نضحك نضحك على بعض في شنو .. لمن نكاوي نكاوي بعض في ياتو حتت .. لمن الواحد مننا يعرض مشكلة أو يناقش قضية أو يعرض مسألة  نعرف كيف نبرد قلبو و نجبر خاطرو .. لأننا عرفنا كل عضو من أسرتنا الرائعة الهصورة ,, بالفعل أصبح مجلسا للأنس ,., للصفاء ,, للكلام النافع الطيب الراقي الرائق ,,, دايرين أكتر من كده شنو يا شباب ؟ على شهر 2 الفات ؟ تتذكروا موضوع الشير ؟ شفتو النقاش الدار حول المنتدى ؟ ايه رايكم ؟ عرفتو انو في أعضاء خاتين البيت ده في عيونم ؟ عرفتو القيمة الحقيقية لمنتدى هواصر ؟؟؟ أنا متأكد يا ناااااس انكم انتو القاعدين تقروا كلامي دا هم المقصدودين !! لأنو البقية تركونا بالكلية .... على هذا الأساس إذا ... يا ريت نطلع من راسنا الأفكار الخاطئة عن بيتنا الهصوري ...  ياخي الدايرنا حبابو .. الما واقع ليهو فهمنا تتفضل طوالي ,, يا حبايب نحنا عندنا أعضاء الواحد منهم بألف و مستغنين  يبقى حسي نجي لي المسألة التالية : كل عضو فينا في هواصر مشرف .. و أكثر من مشرف .. كل عضو منا يعتبر أن هذا موقعه الأم ,, أكيد متفقين كلنا .... يا ريت الوضع الكارثي بتاع السنة الفاتت ما يتكرر تاني ..... طيب ,,, نعمل شنو ؟؟؟؟  عندي كم اقتراح بإذن الله و محتاج آراءكم ..... يا شباب .. نحنا مهما كان ضغط السنة علينا أكيد عندنا لحظات تفريغ ,,, ونسات مع الشباب في المين .. عطلة في حتة فلانية .,. كورة في كمبوني و لا المطار و لا وين تاني ما عارف ,, أحمم .. طبعا مباريات اليوفي في الدوري أمسيات السبت و الأحد أخوكم أليكس ما بفوتا  ... هبيش الفيس بوك .. ال links المجننكم بيها تبع دل بييرو هاهاهاهاها طيب .. عشر دقايق أو تلت ساعة كان رخمتا آخر كل اسبوع تاخدا في المنتدى ,, تشوف الجديد ,, ترد و تعلق .. كان عندك شمار تفتو لينا .. كان عندك طعمية تفكها .. موضوع تنزلو ,, و ببساطة انتهينا ,., و المنتدى يبقى بالشكل دا زي الفل ... صعبة ؟؟؟ ^_^ طبعا في حركة جميلة و معبرة لقيتا حلوة و بالجد بتدي الأعضاء جزو من حقهم علينا هي ( الأوسمة ) ..... في ناس من ما المنتدى قام و هي بتشارك و بتشارك ,, ان شاء الله كلو ما بتنسي .. أنا من الناس اللي نبشوا مواضيع الاعضاء من اولا إلى آخرا في أيامي الأولى هنا (( لغرض سري طبعا في تلك الفترة ههههه )) فالحكاية دي ستفعل بإذن الله كدافع معنوي إضافي يا شباب ..  يلا رابع شي ,, عايزين كل عضو ينزل ( موضوعين ) شهريا.. نحنا قاعدين نتكلم مع ناس خاتا المنتدى في عيونا ,,,  في الدقايق البسيطة اللي هنقضيها مع بعض آخر الاسبوع بإذن الله نعمل لينا موضوع صغير ظريف حلو ,, طبعا (( الأشهر الحرم )) ما خاشا في عداد الشهور النحنا مطالبين ننزل فيها مواضيع .. لأنو الوضع فيها أكيد لا يستحمل خخخخ لكن أبدا ما دايرين الناس تعمل رايحة نهائي .. ردود كما اتفقنا آخر الاسبوع .. زابط ؟؟  النقطة الأخيرة : و هي فكرة تطارحتها مع أخي نورينو .. و لسه قاعدين نزبط في البهارات ..( ممكن ) تساهم في انو تنشيط المنتدى أكثر ....  الفكرة هي اننا نعمل (( مجلة )) للمنتدى .. ايوه مجلة ,, تمثل منتدى هواصر 84 .. و ننشرا في مجمعنا .. عشان الناس تشوف على أرض المجمع ماذا يكتب و ينشر و فيم يفكر أعضاء ( أقوى منتدى دفعة في المجمع الطبي ) احممم ..  إن شا الله ..... كانت الفكرة انو من صميم المجلة ننزل مواضيع جديدة للأعضاء كالمعتاد طبعا .. و تكون في ( مواضيع من نوع آخر ) .. شباب ,, بالمناسبة لفيت في مواضيع المنتدى القديمة كتير قبل كده .. درر .. درر بالجد .. لو نزلنا كل عدد مجموعة كمان من أرشيف هواصر ,,,  ممكن تحصل ضربتين بي حجر واحد : نبرز مدى الثقافة و الفهم اللي بيتتمتع بيهو أسرتنا ..  كذلك : نضرب على الوتر الحساس للعديد من أعضائنا الأعزاء الذين فقدنا هنا لمستهم .. و اشتقنا لإبداعاتهم التي كانت تملأ المنتدى عبيرا و مسكا .. يوما من الأيام لما يجي الواحد الطول مننا .. يلقى ناس بيتو منزلين موضوعو ,, مع لمسة شكر .. و تربيتة عتاب و لوم تلميحا ... إلا تاني ما يكون عندو ذوق عشان ما يرجع ؟  رايكم شنو بالفكرة يا شباب ؟ ,,, خلاص ,,,, تمت البرية ,,,  آااااسف على الإطالة .. اضطررت إلى الاسترسال في الكلام لأنو حبيت أتم الموضوع من كل نواحيهو .. بانتظاركم يا غالين .. بانتظار آرائكم في كل نقطة من نقاط الموضوع الخمسة ,,,, هواصر غالية علينا ,, راجيكم على أحر من زيت الطعمية هاهاهاها تحياتي العطرة ,, و في أمان الله ... __________________
|
|
#2
29-09-2009, 11:10 AM
|
||||
|
||||
|
رد
السلام عليكم
تسلم يا اخ همسة على طرح الموضوع و انا عن نفسي انشا الله اوعدكم اني هاحاول امشي على الخطة دى الا لا سمح الله تحصل ظرووف خارجة عن ارادتي (مثلا النت يقطع و ما يدفعو الفاتورة) وانا موافقا على كل الاقتراحاااات وبالنسبة للمجلة اعتبروني اول المشاركييين فكرة راااااااائعة am in  و اي حاجة يتطلبا الموضوع انشا الله انا جاهزة و انشا الله مايحصل انتكاسة في المنتدى زي السنة الفاتت اللي بعترف اني ما كنت حاضراها وانشا الله ربنا يقدرنا على المواصلة سلاااااام  __________________ [img]  [/img]
|
|
#3
29-09-2009, 05:39 PM
|
|||||||||
|
|||||||||
|
مشكوورة جدا يا روني .. حقيقة و دي ما بتخفى على أي زول انو وجودك بقى أحد ركائز المنتدى ..و كنتي المحرك الأنشط مع عدد من الأعضاء الكرام في الفترة الفاتت و اللي نمتا فيها و كنتا مقصر شديد معاكم .... دا هيشكل لينا تحفيز إضافي بإذن الله .... و إن شاء الله بفضله ثم بوجود أمثالك من الهواصر الأصيلين المنتدى ما هيلاقي إلا كل خير .... ألف تحية و في أمان الله __________________
|
|
#4
29-09-2009, 06:36 PM
|
||||
|
||||
|
بالجد يا همسة أاااالف شكر على فتحك الموضوع المهم جداً دا و كلامك دا ما بيتزاد عليهو
و أي حاجة قلتها هي الحقيقة للحاصل في بقايا منتدى هواصر خطط جميلة جداً و واقعية جداً جداً و إن شاء الله تنفذ. أنا عجبني موضوع الأوسمة دا جداً لأنو على قولك إحنا ناس قشرات ههه و الأوسمة دي حتصحصح الناس شديد و حيتنافسو فيها و المجلة دي فكرة رائعة جداً خاصة حتة الأرشيف و المواضيع القديمة لأنو بالجد في مواضيع قديمة تحفة و ناس كثييييرة ما مرت عليها... لو عايزين اي مساعدة am in برضو و كلامك عين الصواااب يا همسة مفروض أاااي عضو يمر إسبوعياً على الأقل على المنتدى و ما يشوف و بس لازم يتفاعل و يعلق و يشارك إن شاء الله كلنا نحاول نعمل الحكاية دي و ربنا يخلى الأعضاء النشطين الما مقصرين و محيين المنتدى من أمثالك و أمثال روني و أدامك الله لهواصر و نفعها بك بالجد مشكوووور يا همسة على النقطة المهمة جداااااً دي و أتمنى الناس تتفاعل ( وإلا ) خخخخخ  مع تحياتي __________________  There is nothing like dream to create the future, Utopia today flesh and blood tomorrow
|
|
#5
29-09-2009, 09:18 PM
|
||||
|
||||
يدييييك العافيه يا مقداد و اقتراحاااااتك جميله جدا و ما فيها عيب
 و الله انا من المقصرين حبتين  Alkont is in و ارجو من كل الاعضاء(اخواني و اخواتي) يتفاعلوا مع الموضوع و ان شاء الله خير i'm out  __________________ If u can see the future, u can save it...but remember YESTERDAY IS A HISTORY TOMORROW IS A MYSTERY BUT 2DAY IS A GIFT 
|
|
#6
29-09-2009, 09:48 PM
|
||||
|
||||
|
السلام عليكم ورحمة الله وبركاته يا همسة مية مية...تحياتي ليك...دايما همساتك..درر ياليت بالجد اقدر اكمل مع النتدى ايام الدراسة  ممكن نخليها استراحة...ساح  ة للنقاشمنبر للاسئلة ولاستفسارات  لأن بالجد دا اروع مكان شفتو في حياتي...
|
|
#7
29-09-2009, 10:14 PM
|
|||
|
|||
|
أنا يا جماعة شدييييييييييد الأسف على انقطاعي للفترة دي كلها
أنا موافق و متحمس جداً للفكرة دي am in
|
|
#8
30-09-2009, 06:38 AM
|
|||||||||
|
|||||||||
|
السلام عليكم ورحمة الله تعالى وبركاته يديك العافية على الفكرة الجميلة منك يا همسة وتأكد تماما اني معاك في موضوع المجلة وهي فكرة كويسة خالص توري الناس الحاصل شنو بالمنتدى وانا بعلن من هنا وبإذن الله إنو في مواضيع جاية غير الهروب الكبير وحتولع الدنيا وفي أمان الله __________________
|
|
#9
30-09-2009, 09:44 AM
|
||||
|
||||
|
ما شــاء الله تبــارك الله دائمــا ما أتعجــب مــن روعــة النقــاشـات و الأفكــار هنــا علــى أرض المنتــدى كميــة فهــم و وعــي خيــااااااااااااااليـــة أحييــك من القلـــب و الله يـا همســة فكــرة المجلــة مجنــووووووونــة و احنـــا الحمــد لله بقــى عنــدنــا مخــزون استراتيجــي من الموضوعــات الشديـــدة و جهجهــة يـدو فــوق يــدك يا همســة لإنجــاز الفكرة دي  أما بالنسبــة للمنتــدى و السبــات السنــوي فللأســف الشديــد محسوب أنا على حزب المقصريــن لكــن بمــا أنــك اتخــذت نهـــج التذكرة علهــا تنفــع المجتهديــن الغيــوريـن علــى هــذا البيــت الحبيـب فلكــم منــي جميعــا عهــدي بالمواظبــة و التفاعــل بإذن الله و موضوع واحــة آدم سيستمــر بإذن الله علــى مــدار العــام بمواضيعه المتجددة بالإضافــة إلى الإلتــزام بمخطط همســة 2×1 " موضوعين في الشهــر " مــع تمنيــاتــي للمنتــدى و أهلــه بعـــام سعيــد تملؤه النجاحــات و التوفيق بإذن الله..
|
|
#10
30-09-2009, 02:36 PM
|
||||
|
||||
|
السلام عليكم و رحمة الله طبعا انا قريت الموضوع دا اول ما نزل بس معليش الرد جاء متاخر شوية بالجد المنتدى ايام الدراسة بيكون عامل زي بيت الاشباح و الناس بيتحجج ( و انا منهم يعني ) انو ما في وقت لكن يا جماعة فكروا تاني عندنا اجازة جمعة و سبت و جزء كبيييير منها بيضيع كدة حوامة و زهجة ساي فبالجد الموضوع ما بياخد اكتر من 30 دقيقة في الاسبوع كلو انو الزول يكتب تعليق على مواضيع او ينزل مواضيع و موضوعين في الشهر بالجد ما كتير و لو كل الناس التزموا بيهو المنتدى ما حيكون نايم في الاجازة زي السنتين الفاتو و حنكون تفوقنا على انفسنا ان شاء الله و بالجد يا همسة ماااا قصرت في كتابة الموضوع دا و جزاك الله خير __________________ 
|
|
| أدوات الموضوع | |
| طرق مشاهدة الموضوع | |
|
|
العرض العادي
